បទចំរៀងរបស់អ្នកស្រី សុង សេងហ៊ន

ប៉ុន្មានថ្ងៃមុន គ្រូសូត្រឆ្វេងដើរបិណ្ឌបាតលេងៗនៅក្នុងភូមិវើលប្រេស៍។
ពេលនោះខ្ញុំក៏បានឆ្លៀតឈាងចូលលេងផ្ទះអ្នកកំលោះសុវុឌ្ឍី និង វិរិយា។
គ្រូសូត្រឆ្វេងសង្កេតឃើញថាពួកកំលោះទាំងពីរនាក់នោះចូលចិត្តស្តាប់បទ
ចំរៀងរបស់អ្នកស្រី សុង សេងហ៊ន។ ចំណែកគ្រូសូត្រឆ្វេងវិញ កាលបើបាន
ស្តាប់បទចំរៀងនិមួយៗរបស់គាត់មានអារម្មណ៍សប្បាយណាស់។ ពេលកំពុង
រៀនសូត្រធម៌អាថ៌ ពេលខ្លះស្តាប់បទចំរៀងគាត់បណ្តើរច្រៀងបណ្តើរ។
មានពេលមួយ ពិរោះខ្លាំងពេកឡើងឡករាំម្នាក់ឯងលើតុបាយ។ តាមការឆ្លង
ឆ្លើយគ្នាអ្នកកំលោះសុវុឌ្ឍី ក៏បានអោយតំណមួយ ដើម្បីអនុញ្ញាតិអោយគ្រូសូត្រ
ឆ្វេងទាញយកបទចំរៀងរបស់អ្នកស្រី ស៊ុង សេងហ៊ាន បានចំនួន១០បទដែរពីប្លក់
របស់ណារដ្ឋ។បទទាំងនោះមានចំណងជើងដូចតទៅ÷

១.ឆ្នាំមុន
២.ចង់ទៅលេងស្រុកម្ដង
៣.ឌឹប…ឌឹប…អ៊ូយ
៤.ខ្យល់បក់រំភើយ
៥.អ្នកណាធ្វើឲ្យអូនយំ
៦.ផ្កាកូលាបស
៧.ស្នេហាជាស្រាពុល
៨.សុំបេះដូងមួយចំណែក
៩.វិលវិញហើយបង!
១០.លាព្យ៉ាណូបាក់ខ្ទង់ (ឬអូនជារៃមាស)

ចំរៀងទាំង១០នេះមាននៅក្នុងប្លក់ឈ្មោះពិរោះ។ ដោយសារតែចូលចិត្ត
សំលេងរបស់គាត់ គ្រូសូត្រឆ្វេងក៏បានស្រាវជ្រាវរុករកបន្ថែមដើម្បីរកបទ
ចំរៀងផេ្សងទៀតរបស់គាត់។ បើតាមអ្នកឆ្លើយឆ្លងវិទ្យុស៊ីអេចអូចបាន
លួចខ្សឹបបា្រប់គ្រូសូត្រឆ្វេងថាអ្នកស្រី សុង សេងហ៊ន ធ្លាប់ច្រៀងអោយ
ផលឹតកម្មខែ្មរមួយឈ្មោះ សាយ័ណ្ណារា នៅរដ្ឋ Rhode Island លើទឹកដី
សហរដ្ឋអាមេរិច។ បើតាមព័ត៌មានលំអិតបានអោយដឹងថា បទចំរៀងរបស់
គាត់មានចំនួន៤ស៊ីឌី។ លើសពីនេះ បើតាមភ្នាក់ងារ FBI (Female Body
Inspector/ ពាក្យនេះគ្រូសូត្រសូមរក្សាសិទ្ធិទុកជូនតាស៊ីក្លូ ព្រោះគាត់ជា
អ្នកបា្រប់) បានអោយដឹងថាអស់រយៈពេលជាង៧ឆ្នាំហើយ ដែលអ្នកស្រី
សុង សេងហ៊នបានផ្លាស់ទីលំនៅមករស់នៅទីក្រុង Los Angeles។
បច្ចុប្បន្ន គាត់ប្រកបមុខរបរទទួលទានជាអ្នកជំនួញ បន្ទាប់ពីគាត់បាន
បញ្ចប់ការសិក្សាទទួលបានសញ្ញាប័ត្រ MBA។ ប្រសិនបើញាតិញោម
កូនចាបកូនព្រាបណាចូលចិត្តស្តាប់បទចំរៀងរបស់អ្នកស្រី សុង សេងហ៊ន
សូមអញ្ជើញទាញយកបទចំរៀងខាងក្រោមនេះ។ គ្រូសូត្រឆ្វេងសូមប្រកាស
ជាសាធារណៈផងដែរ ប្រសិនបើញាតិញោមណាមានបទផេ្សងៗទៀតរបស់
គាត់ សូមមេត្តាចែកចាយគ្នាស្តាប់ផង !

#	ចំណងជើង	តំណ
១	អប្សារាសក់ខ្មៅ	ទាញយក
២	ឥទ្ធិពលសេ្នហា	ទាញយក
៣	បោះទុក្ខក្នុងទន្លេ	ទាញយក
៤	និស្ស័យតារា	ទាញយក
៥	គឺជៀសមិនបាន	ទាញយក
៦	ខ្នើយប៉ាក់ដោយដៃស្រី (រឺ ទឹកភែ្នកសំងាត់)	ទាញយក
៧	ខ្ញុំបានរូបថត គេបានបង	ទាញយក
៨	គង់តែបងវិលវិញ	ទាញយក
៩	នីង នីង កណ្តឹង	ទាញយក
១០	ស្រះអ៊ួយ	ទាញយក
១១	ស្រលាញ់គេចុះ	ទាញយក
១២	យប់ម៉ិញយល់សុបិន្ត	ទាញយក
១៣	ដប់ឆ្នាំចាំផ្លូវ	ទាញយក
១៤	Goodbye My Love	ទាញយក
១៥	អូនស្នេហ៍មិនដល់	ទាញយក
១៦	សាយ័ណ្ណារា	ទាញយក
១៧	កុំបោះបង់ផ្កា	រកអត់ឃើញ
១៨	ឈឺចិត្ត	រកអត់ឃើញ

សង្ខេបការប្រកួត Barcelona FC Vs Manchester United

តេស្តសមត្ថភាពក្រុមទាំងពីរ

ស៊យណាស់! សល់តែប៉ុន្មានម៉ោងទៀតប៉ុណ្ណោះ ការផ្លុំកញ្ចែររបស់អាជ្ញាកណ្តាលជនជាតិស្វីស

Massimo Busacca នឹងត្រូវបន្លឺឡើងនាពហុកីឡាដ្ឋាន Stadio Olimpico នាទីក្រុងរ៉ូម។

ដោយសារភារកិច្ចផ្ទាល់ខ្លួន គ្រូសូត្រឆ្វេងនឹងខកខានពុំបានទស្សនាការប្រកួតផ្តាល់ព្រ័ត្រ

Uefa Champion League រវាងក្លឹប Barcolna FC មកពីប្រទេសអេស៉្បាញ និងក្លឹប Manchester

United មកពីប្រទេសអង់គ្លេស។ ដោយទ្រាំក្នុងចិត្តពុំបានគ្រូសូត្រឆ្វេងក៏សាកហ្គេម

Pro-Evolution Soccer 2009 ដើម្បីតេស្តមើលសមត្ថភាពរវាងក្រុមទាំងពីរ។ រាល់ពេល

ទំនេរ គ្រូសូត្រឆ្វេងតែងប្រយុទ្ធជាមួយមិត្តភ័ក្តិលេងហ្គេមបាល់ទាត់ជាមួយនឹងម៉ាស៊ីន PS2។

បើថ្ងៃណាអត់មានដៃគូលេងវិញ គ្រូសូត្រឆ្វេងចាត់ការម្នាក់ឯងនៅលើកុំព្យូទ័រ។ ល្បីថា

លោកគ្រូសង្ឃរាជ ហៅតាស៊ីក្លូពូកែលេងហ្គេមណាស់ ពិសេសក្បាច់អេតចាយរបស់គាត់។

មិនអីទេ ចាំមើលថ្ងៃណាមួយសាកគ្នាតាមអនឡាញអោយរញ្ជួយព្រះរណីម្តង។

Barcelona FC Vs Manchester United​ (វគ្គទី១)

Barcelona FC Vs Manchester United​ (វគ្គទី២)